MAXFIYLIK SIYOSATI

1. Umumiy qoidalar va atamalar

1.1. Mazkur Maxfiylik siyosati (bundan buyon matnda — «Siyosat») Internet tarmogʻida ustav.uz manzilida joylashtirilgan «Ustav.uz» servisi (bundan buyon matnda — «Sayt», «Servis») foydalanuvchilarining shaxsga doir maʼlumotlariga ishlov berish va ularni himoya qilish tartibini belgilaydi.

1.2. Siyosat Oʻzbekiston Respublikasining 2019-yil 2-iyuldagi OʻRQ-547-son «Shaxsga doir maʼlumotlar toʻgʻrisida»gi Qonuniga, Shaxsga doir maʼlumotlarga ishlov berishning namunaviy tartibiga (Oʻzbekiston Respublikasi adliya vazirining 2023-yil 15-noyabrdagi 20-mh-son buyrugʻi bilan tasdiqlangan, Adliya vazirligi tomonidan 2023-yil 15-noyabrda roʻyxatdan oʻtkazilgan, roʻyxat raqami 3478), Shaxsga doir maʼlumotlarga ishlov berishda ularning himoya qilinganlik darajasini belgilash toʻgʻrisidagi nizomga (Oʻzbekiston Respublikasi Vazirlar Mahkamasining 2022-yil 5-oktabrdagi 570-son qarori bilan tasdiqlangan) hamda Oʻzbekiston Respublikasining shaxsga doir maʼlumotlar sohasidagi boshqa normativ-huquqiy hujjatlariga muvofiq ishlab chiqilgan.

1.3. Saytdan foydalanish va oʻzining shaxsga doir maʼlumotlarini taqdim etish orqali foydalanuvchi mazkur Siyosat shartlariga rozi ekanligini tasdiqlaydi. Agar foydalanuvchi Siyosatga rozi boʻlmasa, u Servisdan foydalanishdan voz kechishi lozim.

1.4. Mazkur Siyosatda quyidagi atamalar qoʻllaniladi. «Shaxsga doir maʼlumotlar», «shaxsga doir maʼlumotlar subyekti», «shaxsga doir maʼlumotlarga ishlov berish», «shaxsga doir maʼlumotlar bazasi», «shaxsga doir maʼlumotlar bazasining operatori», «shaxsga doir maʼlumotlar bazasining mulkdori» va «uchinchi shaxs» atamalari OʻRQ-547-son Qonunning 4-moddasida belgilangan maʼnoda qoʻllaniladi; «shaxsga doir maʼlumotlarni transchegaraviy uzatish» — Qonunning 15-moddasida belgilangan maʼnoda qoʻllaniladi. «Subyektning roziligi» atamasi Qonunda alohida taʼriflanmagani sababli izohli maʼnoda keltirilgan.

shaxsga doir maʼlumotlar — muayyan jismoniy shaxsga taalluqli boʻlgan yoki uni identifikatsiya qilish imkonini beradigan, elektron tarzda, qogʻozda va (yoki) boshqa moddiy jismda qayd etilgan axborot;

shaxsga doir maʼlumotlar subyekti (subyekt) — shaxsga doir maʼlumotlar oʻziga taalluqli boʻlgan jismoniy shaxs;

shaxsga doir maʼlumotlarga ishlov berish — shaxsga doir maʼlumotlarni yigʻish, tizimlashtirish, saqlash, oʻzgartirish, toʻldirish, ulardan foydalanish, ularni berish, tarqatish, uzatish, egasizlantirish va yoʻq qilish boʻyicha bir harakatni yoki harakatlar majmuini amalga oshirish;

shaxsga doir maʼlumotlar bazasi — tarkibida shaxsga doir maʼlumotlar mavjud boʻlgan axborot tizimi tarzidagi maʼlumotlar bazasi;

shaxsga doir maʼlumotlar bazasining operatori (operator) — shaxsga doir maʼlumotlarga ishlov berishni amalga oshiruvchi davlat organi, jismoniy va (yoki) yuridik shaxs; Servisga nisbatan operator 2-boʻlimda koʻrsatilgan shaxs hisoblanadi;

shaxsga doir maʼlumotlar bazasining mulkdori (mulkdor) — shaxsga doir maʼlumotlar bazasiga egalik qilish, undan foydalanish va uni tasarruf etish huquqiga ega boʻlgan davlat organi, jismoniy va (yoki) yuridik shaxs; Servisga nisbatan Operator ayni vaqtda shaxsga doir maʼlumotlar bazasining mulkdori hamdir;

uchinchi shaxs — subyekt, mulkdor va (yoki) operator boʻlmagan, ammo shaxsga doir maʼlumotlarga ishlov berish boʻyicha holatlar yoki munosabatlar orqali ular bilan bogʻliq boʻlgan har qanday shaxs;

shaxsga doir maʼlumotlarni transchegaraviy uzatish — shaxsga doir maʼlumotlarni mulkdor va (yoki) operator tomonidan Oʻzbekiston Respublikasi hududidan tashqariga uzatish;

subyektning roziligi (izohli maʼnoda) — subyekt oʻzining shaxsga doir maʼlumotlariga ishlov berishga ruxsat beradigan erkin, aniq va anglangan iroda bildirishi.

2. Shaxsga doir maʼlumotlar Operatori

2.1. Shaxsga doir maʼlumotlar operatori quyidagi shaxs hisoblanadi:

Nomi: «C7 CYBERSECURITY» MChJ, Oʻzbekiston Respublikasi Dasturiy mahsulotlar va axborot texnologiyalari texnologik parki «IT Park» rezidenti;

STIR (INN): 310 734 480;

Yuridik manzil: Toshkent sh., Mirobod tumani, Buyuk Turon koʻchasi, 73/96;

Elektron pochta manzili: [email protected];

Telefon: +998 90 816 89 30.

2.2. Operator ayni vaqtda OʻRQ-547-son Qonunning 4-moddasidagi maʼnoda shaxsga doir maʼlumotlar bazasining mulkdori hisoblanadi (bazaga egalik qilish, undan foydalanish va uni tasarruf etish huquqiga ega).

2.3. OʻRQ-547-son Qonunning 31-moddasiga hamda 3478-son Namunaviy tartibning 27 va 30-bandlariga muvofiq Operator shaxsga doir maʼlumotlarga ishlov berish va ularni himoya qilishni tashkil etish uchun masʼul tarkibiy boʻlinmani yoki mansabdor shaxsni — direktor Axmedxodjayev I.I.ni tayinlaydi. Operator shaxsga doir maʼlumotlarga ishlov berish va ularni himoya qilish siyosatini belgilovchi ichki hujjatlarni (shu jumladan shaxsga doir maʼlumotlarga ishlov berish toʻgʻrisidagi nizom va tegishli buyruqlarni) tasdiqlaydi.

3. Ishlov beriladigan shaxsga doir maʼlumotlar roʻyxati

3.1. Ustavni shakllantirish va Xizmatni koʻrsatish uchun Operator foydalanuvchi tomonidan taqdim etiladigan shaxsga doir quyidagi maʼlumotlarga ishlov beradi:

3.1.1. familiyasi, ismi, otasining ismi;

3.1.2. shaxsni tasdiqlovchi hujjat maʼlumotlari (pasport / ID-karta seriyasi va raqami);

3.1.3. jismoniy shaxsning shaxsiy identifikatsiya raqami (JShShIR);

3.1.4. manzil (yashash joyi, roʻyxatdan oʻtgan joyi va (yoki) kompaniya manzili);

3.1.5. ustavni shakllantirish uchun zarur boʻlgan, ishtirokchilar, direktor (rahbar) hamda tashkil etilayotgan (mavjud) kompaniya toʻgʻrisidagi maʼlumotlar;

3.1.6. toʻlov toʻgʻrisidagi maʼlumotlar (toʻlov agregatoridan kelib tushadigan hajmda; toʻlov kartasi rekvizitlari Operator tomonidan yigʻilmaydi va saqlanmaydi).

3.2. Operator biometrik va genetik shaxsga doir maʼlumotlarga, shuningdek maxsus maʼlumotlarga (3478-son Namunaviy tartibning 1-bandi maʼnosida) ishlov bermaydi. Foydalanuvchi shaklga Servis soʻramaydigan maʼlumotlarni kiritmasligi lozim.

3.3. Operator faqat Siyosatning 4-boʻlimida koʻrsatilgan maqsadlarga erishish uchun zarur boʻlgan maʼlumotlarga ishlov beradi (3478-son Namunaviy tartibning 5-bandi), ishlov beriladigan maʼlumotlarning hajmi va tavsifi esa ularga ishlov berish maqsadlari va usullariga muvofiq keladi.

4. Shaxsga doir maʼlumotlarga ishlov berish maqsadlari

4.1. Shaxsga doir maʼlumotlarga quyidagi maqsadlarda ishlov beriladi:

4.1.1. foydalanuvchi kiritgan maʼlumotlar asosida tayyor hujjatni (MChJ ustavini) shakllantirish;

4.1.2. Xizmat haqini toʻlov agregatori orqali toʻlash va toʻlovni tasdiqlash;

4.1.3. Xizmatni koʻrsatish masalalari boʻyicha mijozlarga (texnik) koʻmak koʻrsatish va foydalanuvchi bilan bogʻlanish;

4.1.4. Oʻzbekiston Respublikasi qonunchiligi talablarini bajarish (shu jumladan buxgalteriya va soliq hisobi sohasida).

4.2. Shaxsga doir maʼlumotlarga koʻrsatilganlarga muvofiq kelmaydigan boshqa maqsadlarda ishlov berish subyektning alohida roziligi olinmasdan amalga oshirilmaydi.

5. Ishlov berishning huquqiy asoslari

5.1. Shaxsga doir maʼlumotlarga ishlov berishning huquqiy asosi Saytdagi shaklni toʻldirishda va rozilik toʻgʻrisida belgi qoʻyishda beriladigan shaxsga doir maʼlumotlar subyektining roziligi hisoblanadi. 3478-son Namunaviy tartibning 9-bandiga muvofiq, ofertada (ommaviy shartnomada) shaxsga doir maʼlumotlarga ishlov berishning maqsadlari aniq koʻrsatilgan taqdirda, ofertani (ommaviy shartnomani) qabul qilish (tasdiqlash) subyektning shaxsga doir maʼlumotlarga ishlov berishga roziligi deb hisoblanadi.

5.2. Alohida huquqiy asoslar sifatida quyidagilar boʻlishi mumkin: subyekt tomoni boʻlgan shartnomani ijro etish zarurati (Xizmatni koʻrsatish), shuningdek operatorning qonunchilikda belgilangan majburiyatlarini bajarish (OʻRQ-547-son Qonunning 18-moddasi).

5.3. Rozilik erkin beriladi, aniq va anglangan boʻladi. Subyekt Siyosatning 8-boʻlimida nazarda tutilgan tartibda rozilikni qaytarib olishga haqli.

5.4. 3478-son Namunaviy tartibning 11-bandiga muvofiq Saytda olinadigan subyekt roziligi quyidagilarni oʻz ichiga oladi: operatorning nomi, STIRi; subyektning familiyasi, ismi va otasining ismi, shaxsini tasdiqlovchi hujjat maʼlumotlari; shaxsga doir maʼlumotlarga ishlov berish maqsadlari; subyektning ishlov berishga rozilik berilayotgan shaxsga doir maʼlumotlari roʻyxati; shaxsga doir maʼlumotlarga ishlov berishga rozilik amal qiladigan muddat yoki davr; shaxsga doir maʼlumotlarni uchinchi shaxslarga berish va (yoki) ushbu maʼlumotlarni transchegaraviy uzatishga roziligi; shaxsga doir maʼlumotlarni hamma foydalanishi mumkin boʻlgan manbalarda tarqatishga roziligi; boshqa maʼlumotlar.

6. Ishlov berish tartibi va usullari; saqlash muddatlari

6.1. Shaxsga doir maʼlumotlarga ishlov berish avtomatlashtirish vositalaridan foydalangan holda (avtomatlashtirilgan ishlov berish) va (yoki) ulardan foydalanmasdan (aralash ishlov berish) amalga oshiriladi.

6.2. Ishlov berish shaxsga doir maʼlumotlarni yigʻish, tizimlashtirish, saqlash, ulardan foydalanish, ularni uzatish (7-boʻlimda koʻrsatilgan hollarda), egasizlantirish va yoʻq qilishni oʻz ichiga oladi.

6.3. Shaxsga doir maʼlumotlar ularga ishlov berish maqsadlari talab qilganidan uzoqroq muddat saqlanmaydi. Bunda: foydalanuvchi tomonidan ustavni shakllantirish uchun shaklga kiritilgan shaxsga doir maʼlumotlar (buyurtma maʼlumotlari) foydalanuvchiga shakllantirilgan hujjatni takroran yuklab olish uchun toʻlov amalga oshirilgan paytdan eʼtiboran 48 (qirq sakkiz) soat davomida ochiq boʻladi, shundan soʻng egasizlantiriladi (buyurtma tarkibidan oʻchiriladi); shartnomaning tuzilgani va ijro etilganini tasdiqlovchi hujjatlar va maʼlumotlar (akseptning qayd etilishi, toʻlovning tasdiqlanishi, elektron chek) shunga oʻxshash hujjatlar uchun qonunchilikda belgilangan muddat davomida, lekin besh yildan kam boʻlmagan muddatda saqlanadi (shu jumladan soliq va buxgalteriya hisobi maqsadlarida); boshqa shaxsga doir maʼlumotlar ularga ishlov berish maqsadlariga erishilgunga qadar saqlanadi.

6.4. Shaxsga doir maʼlumotlar quyidagi hollarda yoʻq qilinishi yoki egasizlantirilishi lozim: ishlov berish maqsadlariga erishilganda, rozilikning amal qilish muddati tugaganda yoxud sud qarori qonuniy kuchga kirganda — 3 (uch) kun ichida (3478-son Namunaviy tartibning 23-bandi); subyekt rozilikni qaytarib olganda — tegishli ariza kelib tushgan kundan keyingi ish kunidan kechiktirmay (3478-son Namunaviy tartibning 10-bandi), ishlov berishni davom ettirish uchun boshqa qonuniy asoslar boʻlmaganda; qonunchilik buzilgan holda ishlov berilganda (subyektning, uning qonuniy vakilining talabiga, sudning yoki boshqa vakolatli organning qaroriga koʻra) — 1 (bir) ish kuni ichida (3478-son Namunaviy tartibning 24-bandi). Qonunga koʻra saqlanishi lozim boʻlgan maʼlumotlar (shu jumladan soliq va buxgalteriya hisobi uchun) mustaqil huquqiy asosda tegishli muddatga saqlab qolinadi.

7. Uchinchi shaxslarga uzatish, lokalizatsiya va transchegaraviy uzatish

7.1. Operator shaxsga doir maʼlumotlarni uchinchi shaxslarga faqat ishlov berish maqsadlariga erishish uchun zarur boʻlgan hajmda va bunday shaxslar tomonidan maʼlumotlarning maxfiyligi hamda xavfsizligi taʼminlanishi sharti bilan uzatishga haqli:

7.1.1. toʻlov agregatoriga — Xizmat haqini toʻlash maqsadida;

7.1.2. xosting-provayderga va (yoki) bulutli infratuzilma yetkazib beruvchiga — Servisni texnik joylashtirish va uning ishlashi maqsadida;

7.1.3. boshqa shaxslarga — Oʻzbekiston Respublikasi qonunchiligida bevosita nazarda tutilgan hollarda (vakolatli organlarning qonuniy talabiga koʻra).

7.2. Maʼlumotlarni uchinchi shaxslarga marketing yoki reklama maqsadlarida subyektning alohida roziligisiz uzatish amalga oshirilmaydi.

7.3. Faqat Oʻzbekiston Respublikasi hududida saqlanishi majburiy boʻlgan maʼlumotlar sirasiga jismoniy shaxslarning biometrik va genetik maʼlumotlari, shuningdek Oʻzbekiston Respublikasi hududida oʻz faoliyatini amalga oshirayotgan telekommunikatsiyalar operatorlaridagi ularning xizmatlaridan foydalanuvchi jismoniy shaxslarning maʼlumotlari kiradi; bunday maʼlumotlar transchegaraviy uzatilishi mumkin emas (OʻRQ-547-son Qonunning 271-moddasi). Servis koʻrsatilgan maʼlumotlarga ishlov bermagani sababli, ularni majburiy lokalizatsiya qilish talabi Operatorga amalda tatbiq etilmaydi.

7.4. Boshqa shaxsga doir maʼlumotlar OʻRQ-547-son Qonunning 15 va 271-moddalarida belgilangan transchegaraviy uzatish shartlaridan biriga rioya etilgan holda ham Oʻzbekiston Respublikasi hududida, ham undan tashqarida (shu jumladan Sayt Oʻzbekiston Respublikasidan tashqaridagi serverlarda joylashtirilgan taqdirda) saqlanishi va ularga ishlov berilishi mumkin: chet davlatni shaxsga doir maʼlumotlarning bir xil himoya qilinishini taʼminlovchi davlat sifatida tan olish (bunday davlatlar roʻyxati Oʻzbekiston Respublikasi Vazirlar Mahkamasi tomonidan belgilanadi); yoxud Operator tomonidan vakolatli davlat organi tasdiqlaydigan talablarga javob beruvchi standart shartnomaviy shartlar yoki majburiy korporativ qoidalar qabul qilinishi va ularga rioya etilishi; yoxud Operator shaxsga doir maʼlumotlarni boshqarish va saqlash sohasidagi xalqaro standartlarga rioya etadi, ularning roʻyxati vakolatli davlat organi tomonidan tasdiqlanadi. Biometrik va genetik maʼlumotlarga Operator tomonidan ishlov berilmaydi.

7.5. OʻRQ-547-son Qonunning 20-moddasiga muvofiq (amaldagi tahrirda) Shaxsga doir maʼlumotlar bazalarining davlat reyestrida davlat roʻyxatidan oʻtkazilishi lozim boʻlgan bazalar sirasiga Qonunning 271-moddasi ikkinchi qismiga koʻra Oʻzbekiston Respublikasi hududida saqlanishi shart boʻlgan shaxsga doir maʼlumotlar bazalari (biometrik va genetik maʼlumotlar, shuningdek telekommunikatsiyalar operatorlari xizmatlaridan foydalanuvchi jismoniy shaxslarning maʼlumotlari) kiradi. Servis bunday maʼlumotlarga ishlov bermagani sababli (mazkur Siyosatning 7.3-bandi), Operatorning shaxsga doir maʼlumotlar bazasini Davlat reyestrida roʻyxatdan oʻtkazish majburiyati Operatorga tatbiq etilmaydi.

8. Shaxsga doir maʼlumotlar subyektining huquqlari va ularni amalga oshirish tartibi

8.1. Shaxsga doir maʼlumotlar subyekti quyidagi huquqlarga ega:

8.1.1. oʻzining shaxsga doir maʼlumotlariga ishlov berishga oid axborotni olish (kirish huquqi);

8.1.2. shaxsga doir maʼlumotlari toʻliq yoki aniq boʻlmagan taqdirda ularni aniqlashtirish, oʻzgartirish va toʻldirishni talab qilish;

8.1.3. oʻzining shaxsga doir maʼlumotlarini bloklashni (cheklashni), yaʼni ularga ishlov berishni vaqtincha toʻxtatishni talab qilish;

8.1.4. qonunchilik buzilgan holda ishlov berilayotgan yoxud ishlov berish maqsadlariga erishilgan shaxsga doir maʼlumotlarini yoʻq qilishni (oʻchirishni) talab qilish;

8.1.5. shaxsga doir maʼlumotlarga ishlov berishga ilgari berilgan rozilikni qaytarib olish;

8.1.6. Operatorning harakati (harakatsizligi) ustidan shaxsga doir maʼlumotlar sohasidagi vakolatli davlat organiga (Personalizatsiya davlat markaziga) va (yoki) sudga shikoyat qilish.

8.2. Oʻz huquqlarini amalga oshirish uchun subyekt Operatorga [email protected] elektron pochta manziliga yoxud Toshkent sh., Mirobod tumani, Buyuk Turon koʻchasi, 73/96 manzili boʻyicha murojaat yuboradi. Operator murojaatni qonunchilikda belgilangan muddatlarga rioya etgan holda imkon qadar qisqa muddatda koʻrib chiqadi: shaxsga doir maʼlumotlarni oʻzgartirish va toʻldirish murojaat qilingan paytdan eʼtiboran 3 (uch) kundan kechiktirmay amalga oshiriladi (OʻRQ-547-son Qonunning 11-moddasi, 3478-son Namunaviy tartibning 15-bandi); soʻralgan axborotni taqdim etishni rad etish toʻgʻrisidagi xabarnoma 10 (oʻn) kun ichida yuboriladi (OʻRQ-547-son Qonunning 22-moddasi).1§

8.3. Rozilikni qaytarib olish Operatorga tegishli murojaatni yuborish yoʻli bilan amalga oshiriladi. Rozilik qaytarib olinganidan keyin Operator ishlov berishni toʻxtatadi va ariza kelib tushgan kundan keyingi ish kunidan kechiktirmay shaxsga doir maʼlumotlarning yoʻq qilinishini taʼminlaydi (3478-son Namunaviy tartibning 10-bandi), qonun kuchiga koʻra saqlanishi lozim boʻlgan maʼlumotlar (shu jumladan soliq va buxgalteriya hisobi uchun) bundan mustasno.

9. Shaxsga doir maʼlumotlarni himoya qilish choralari

9.1. Operator shaxsga doir maʼlumotlarni gʻayriqonuniy yoki tasodifiy kirishdan, yoʻq qilishdan, oʻzgartirishdan, bloklashdan, nusxalashdan, tarqatishdan, shuningdek boshqa gʻayriqonuniy harakatlardan himoya qilish uchun zarur huquqiy, tashkiliy va texnik choralarni koʻradi (OʻRQ-547-son Qonunning 27-moddasi, 3478-son Namunaviy tartibning 29–31-bandlari).

9.2. Bunday choralar jumlasiga, xususan, quyidagilar kiradi: shaxsga doir maʼlumotlarga kirishni cheklash va chegaralash; shaxsga doir maʼlumotlarga kirish huquqiga ega shaxslar roʻyxatini belgilash; axborot tizimi foydalanuvchilarini identifikatsiya va autentifikatsiya qilish; maʼlumotlar bazasini boshqarish tizimlarining hodisalar jurnalini yuritish va foydalanuvchilar harakatlarining qayd qilinishini taʼminlash; shaxsga doir maʼlumotlar yaxlitligini nazorat qilish vositalarini qoʻllash; kriptografik axborotni himoya qilish vositalaridan va maʼlumotlarni uzatishning xavfsiz aloqa kanallaridan foydalanish (HTTPS protokoli); zaxira nusxalash; Oʻzbekiston Respublikasi Vazirlar Mahkamasining 2022-yil 5-oktabrdagi 570-son qarori bilan tasdiqlangan Shaxsga doir maʼlumotlarga ishlov berishda ularning himoya qilinganlik darajasini belgilash toʻgʻrisidagi nizomga muvofiq shaxsga doir maʼlumotlarning zarur himoya qilinganlik darajasini belgilash; Oʻzbekiston Respublikasi davlat standartlari asosida axborot xavfsizligini taʼminlash; uchinchi shaxslar bilan maxfiylikni taʼminlash toʻgʻrisida bitimlar tuzish; shaxsga doir maʼlumotlarga ishlov berish va ularni himoya qilish siyosatini belgilovchi ichki hujjatlarni tasdiqlash.

9.3. Shaxsga doir maʼlumotlarga kirish huquqini oladigan xodimlar va jalb qilingan shaxslar ularning maxfiyligiga rioya etish hamda maʼlumotlardan faqat oʻzlarining xizmat (mehnat) majburiyatlariga muvofiq foydalanish majburiyatini oladilar.

9.4. Operatorning shaxsga doir maʼlumotlarni himoya qilish boʻyicha majburiyatlari shaxsga doir maʼlumotlarni yigʻish paytidan eʼtiboran vujudga keladi va ular yoʻq qilib tashlangan yoki egasizlantirilgan paytga qadar amal qiladi.

10. Cookie fayllardan va veb-analitika tizimlaridan foydalanish

10.1. Sayt faqat qatʼiy zarur (texnik) cookie fayllardan foydalanadi; ular Saytning ishlashini va foydalanuvchining xizmat sozlamalari saqlanishini taʼminlaydi. Bunday cookie fayllar statistika yigʻish, profillash yoxud reklama (marketing) maqsadlarida ishlatilmaydi.

10.2. Qatʼiy zarur cookie fayllarga foydalanuvchining alohida roziligisiz ishlov beriladi, chunki ularsiz Saytning ishlashi mumkin emas.

10.3. Saytda veb-analitika tizimlari, shuningdek reklama (marketing) cookie fayllari ishlatilmaydi. Kelgusida ular ulangan taqdirda Operator mazkur Siyosatga tegishli oʻzgartirishlar kiritadi va belgilangan tartibda foydalanuvchining roziligi olinishini taʼminlaydi.

10.4. Foydalanuvchi oʻz brauzeri sozlamalarida cookie fayllarga ishlov berishni cheklashga yoki uni oʻchirib qoʻyishga haqli; qatʼiy zarur cookie fayllar oʻchirib qoʻyilganda Saytning ayrim funksiyalari notoʻgʻri ishlashi mumkin.

11. Siyosatni oʻzgartirish tartibi va Operatorning kontaktlari

11.1. Operator mazkur Siyosatga oʻzgartirishlar kiritishga haqli. Yangi tahrir, agar yangi tahrirda boshqacha qoida nazarda tutilmagan boʻlsa, Saytda joylashtirilgan paytdan eʼtiboran kuchga kiradi.

11.2. Siyosatning amaldagi tahriri Saytda https://ustav.uz/uz/politika manzilida doimiy ravishda ochiq boʻladi. Foydalanuvchiga Siyosat matni bilan vaqti-vaqti bilan tanishib turish tavsiya etiladi.

11.3. Shaxsga doir maʼlumotlarga ishlov berish bilan bogʻliq barcha masalalar boʻyicha foydalanuvchi Operatorga murojaat qilishi mumkin: elektron pochta manzili [email protected]; telefon: +998 90 816 89 30; pochta manzili: Toshkent sh., Mirobod tumani, Buyuk Turon koʻchasi, 73/96.